Entre as cousas que teño pendentes para o 2006 está apostatar. Xa hai tempo que non creo que haxa un deus nin unha deusa aló no firmamento. Nin tan sequera penso que haxa un posíbel panteón de deidades, chámense Ateneas, San Roques ou de calquera outro xeito. Iso si, respeito profundamente a quen crea en tales cousas. Ao cabo, eu tamén fun moi místico na miña infancia e primeira adolescencia.Con todo, e sen que sexa contraditorio, teño grande admiración pola figura de Xesús, non concibido como mesías redentor, senón como home loitador. Que pensaría esa figura histórica se os seus cromosomas que andan por aí esparexidos recompuxesen novamente os seus ollos e puidese ver tanto despropósito montado sob o seu nome? Non teño dúbidas de que se os seus dedos resucitasen, Xesús entraría nesta páxina web e asinaría a proposta que alí se fai.
Sem comentários:
Enviar um comentário