sexta-feira, dezembro 23, 2005
Boas festas e feliz ano!
Vou ir cear coa familia o 24, mais aínda non sei que farei o día 31. Algunha proposta?
domingo, dezembro 18, 2005
quinta-feira, dezembro 15, 2005
Outra pequena vitoria
Malia esta nova pequena vitoria manteño o temor polo resultado do recurso de inconstitucionaldidade presentado polo homófobo PP. Ante esta actitude do Partido Popular, pregúntome por que razón non utilizamos dunha vez a homosexualidade do seu líder Mariano Rajoy (ou Raxoi aínda que el non queira, porque Rajoy é tan deturpación como Sangenjo).
Queremos crear e consolidar un novo tempo e un tempo novo, como o que poetizaba o meu adorado Silvio Rodríguez en 1988:
Parte del tiempo (nuevo)
El nuevo tiempo trae nuevas cruces
y resulta ser nuevo tiempo duro;
tiempo de certidumbres, como luces
que van nombrando el sol desde lo oscuro.
El nuevo tiempo exige su alimento
con menos humo sobre nuestras calles,
homosexuales por el firmamento
y ballenas felices en sus valles.
El nuevo tiempo se simula encueros
pintándose la piel sobre el vestido.
El nuevo tiempo no es un tiempo nuevo:
es sólo tiempo, viejo conocido.
El nuevo tiempo espera por canciones
que iluminen e inflamen desde abajo,
pero no hay más
hoguera en las razones
que la vieja lumbrera del trabajo.
De nuevo un tiempo
nuevo impugna dioses
y quizá sobreviva a su cinismo,
siempre que no
termine en las atroces
y amargas estaciones de egoísmo.
El nuevo tiempo planta su derecho
humano y natural
contra el absurdo
y yo, con poca voz, pero de pecho,
canto porque el
derecho sea más zurdo.
Algo vulgar e un tanto artificial..
Bótollo un olliño como quen non quer á cousa ao reloxio do computador e pasa xa un pouquichiño das tres da mañá. Non son horas para estar nisto, así que irei indo para a camiña, que parece que está a chamar por min... :P
segunda-feira, dezembro 12, 2005
Estatuto de Nación
Claro que é unha mágoa, de calquera xeito, que o debate sobre o novo Estatuto comece cun tema tan dado á manipulación como o relacionado cos limites do país. E, ademais, unha cuestión seguramente inviábel e con pouca saída práctica para, cando menos, os próximos 50 anos.
No referente a min, pasei o día traballando no portátil. Aínda que avancei en moitas cousas, incumprín os meus obxectivos do día e non fun ao centro de Santiago pola mañá, como era a miña planificación desde hai tres ou catro días...
Agora, non sei se verei a serie esta de Antena 3 que comeza hoxe sobre abducións ou se me porei a outras cousas.
(Mentres escribo isto, escoito "Next year, baby" de Jamie Cullum. Evocador e saudoso.)
domingo, dezembro 11, 2005
Jorge Bucay
Non pensedes que o Bucay este é un telepredicador ou cousa semellante. Botádelle un ollo ás historias que conta e xa me diredes que vos parece.
sábado, dezembro 10, 2005
Que, apostatamos?
Con todo, e sen que sexa contraditorio, teño grande admiración pola figura de Xesús, non concibido como mesías redentor, senón como home loitador. Que pensaría esa figura histórica se os seus cromosomas que andan por aí esparexidos recompuxesen novamente os seus ollos e puidese ver tanto despropósito montado sob o seu nome? Non teño dúbidas de que se os seus dedos resucitasen, Xesús entraría nesta páxina web e asinaría a proposta que alí se fai.
quarta-feira, dezembro 07, 2005
Sempre con présa...
terça-feira, dezembro 06, 2005
Perhaps Scotland
Dáme preguiza escribir, porque o ADSL de R vaime á velocidade da pataca e teño medo de que se perda o que fago. Copiarei no portapapeis este texto repetidas veces para tentar que iso non aconteza. Terei que chamar de novo para que mo arranxen? Tamén non quero que esta sexa publicidade negativa para R. Ben vinda sexa esta empresa que usa o galego e que ten técnicos competentes, non como as bazofias infumábeis de Wanadoo. (Consello: NON VOS FAGADES CLIENTES DE WANADOO. É UN CALOTE CON FORMATO DE EMPRESA.)
Xa case teño aprendida a canción "You're beautiful" de James Blunt. Xa sei que non é grande mérito, porque a letra é en xeral faciliña, salvo algún versiño que, a min cando menos, se me atragantou un pouco. Terei a constancia de aprender unha canción ou poema cada quince días? Dubídoo, mais debería pórme con máis seriedade a aprender inglés.
Como estes días de ponte da Inmaculada Constitución parece que tampouco vou ter uns días de ferias propriamente ditos, como sería o meu desexo, dedícome a soñar que no verán irei a Scotland. Pedinlle xa ao compañeiro de fatigas que, se vén aló comigo (sería bonito que viñese), só falemos english, para así facer máis proveitosa a viaxe.
O primeiro romance (enténdase este termo á galego-portuguesa e non á española) que lin na miña vida trataba dun rapaz escocés orfo e moi pobre que se fugaba da casa dos seus tíos que o explotaban e maltrataban. Chegou a un castelo que tiña un fantasma como atractivo turístico: Sir Arthur. O rapaz agochouse no castelo e fíxose pasar por ese espírito. A noveliña pertencía á colección laranxa do Barco de Vapor, para nenos a partir de nove anos, que debían ser xusto os que eu tiña porque andaba por terceiro de EXB. Ir a Escocia será voltar tamén a imaxinarios da miña infancia :D
Por certo, o libriño, que daquela lin en tradución para o español, ten xa a súa versión na nosa lingua.
quinta-feira, novembro 24, 2005
Renazo como o Gato Félix!
Axiña conto. Prometido!
domingo, outubro 02, 2005
sexta-feira, setembro 30, 2005
sexta-feira, setembro 09, 2005
terça-feira, setembro 06, 2005
Ter unha casa en Chachahuí
domingo, setembro 04, 2005
Como acabar co estrés?
Isto deume que pensar, porque a verdade é que eu me encontro bastante peor desde o momento en que fixen a listaxe consciente e escrita de obxectivos para os próximos meses e me decatei de que non hai xeito humano de conseguilo. Priorizar pode ser a palabra máxica, mais nin sempre é fácil iso.
Paso unha etapa gris, de dentro de min, que non nas miñas circunstancias.
Outras virán.
quinta-feira, agosto 25, 2005
Antoloxía (3)
quarta-feira, agosto 24, 2005
Antoloxía (2)
Antonte leváronlle o viático ao vello e onte morreu. A compañeira dos seus días visteuno, afeitouno e púxolle as mans en cruz.
Hoxe entraron catro homes e sacaron a caixa longa onde vai o morto. A vella saíu á porta da casa e, coa voz amorosa dos días de mocedade, despideuse do seu compañeiro:
- Deica logo, Eleuterio!
E os veciños que acudiran ao espeutáculo taparónse as bocas e riron cos ventres. A despedida da vella foi rolando e chegou ao casino, e o "deica logo Eleuterio" xa se convirteu en motivo de risa.
Todos, todos, se riron e ninguén se decata con que delor a vella namorada chamará pola morte nesta noite de inverno.
Daniel Castelao
segunda-feira, agosto 22, 2005
Antoloxía dos meus gostos literarios (1)
No volveré a ser joven
Que la vida iba en serio
uno lo empieza a comprender más tarde
-como todos los jóvenes, yo vine
a llevarme la vida por delante-.
Dejar huella quería
y marcharme entre aplausos
-envejecer, morir, eran tan sólo
las dimensiones del teatro-.
Pero ha pasado el tiempo
y la verdad desagradable asoma:
envejecer, morir,
es el único argumento de la obra.
domingo, agosto 21, 2005
Unha lenda que cruzou o Atlántico
Cando os veciños chegaron, a altas horas da noite, petáronlles na porta, excitados:
- Ai! Sabedes que nos pasou? Un milagre! O noso papagaio morreu onte, enterrámolo e, tanto nos quería, que volveu aparecer na gaiola!
sábado, agosto 20, 2005
Picadas de mosquitos
Noutra orde de cousas, acabo de acordar cunha chamada telefónica do Ru, sen durmir as horas necesarias para ser persoa. Deiteime tardísimo, limpando o computador velliño, o primeiro que comprei na miña vida, haberá uns cinco anos e coa axuda do P. A vida vai facendo as súas mudanzas.
Son o que compro?
Ademais das lendas urbanas recollidas polo especialista ianqui en folclore, tamén están as nosas lendas tradicionais e as urbanas que se lle van entremesturando. Temos xa na rede un novo espazo para isto: a Galiza encantada de Antonio Reigosa. Recoméndovos que deades unha volta por aí.
.......................................................
Ra vaise hoxe de Galiza e tomará o avión mañá rumbo a Siria. Xa nos despedimos del. Parece que ten planos de regresar a ver ao seu amante, ou aos que lle ficasen no camiño ;)
sexta-feira, agosto 19, 2005
Álbum familiar
......................................................................................................................................
Vemos tamén nestes mes de agosto que o novo Goberno vai botando a andar. Que cumpra a metade das nosas esperanzas!!
quinta-feira, agosto 18, 2005
Ansiedade
Hoxe comezo a tentar darlle toda a solución posíbel pola miña parte.
quarta-feira, agosto 17, 2005
Tres días paradisíacos
Tamén houbo, como non, pequenos momentos para os enfados e para os reprochiños (non recordaba que P me agasallara rosas o ano pasado polo meu aniversario, he he...). Na parte negativiña, tamén unha faneca brava que decidiu que o meu pé ía confundido cara a ela e as bichas inmensas e os engarrafamentos do tránsito. Mais esas pequenas sombras non escurecen a luz intensa e máxica destes días.
Estas pequenas ferias terminaron con uns sustos familiares que, afortunadamente, só foron iso, sustos, mais que non impiden que vexamos tan claro coma sempre que o exército do Estado español non pinta nada en Afganistán.
quarta-feira, agosto 03, 2005
Xa estamos en agosto
Matriculeime nun ximnasio onte e espero comezar mañá a ir ;) Acabo de terminar a tradución do contrato para me matricular dunha vez na autoescola, xusto cando aprobou o exame o que ía ser o meu compañeiro de fatigas no estudo da teórica!!!! Algo máis de orde hai no meu cuarto, porén só algo máis. E estou exhausto. Sempre exhausto...
sábado, julho 23, 2005
quarta-feira, julho 20, 2005
O pacto xa está
Esta fin de semana celébrase aquí en Santiago o Festigal. Aló estarei.
Teño gañas de descansar de verdade, mais para iso preciso que tamén o P decida facelo.
segunda-feira, julho 18, 2005
Política Lingüística onde?
O pacto aínda non está fechado, mais hai cousas que resultan preocupantes e que por iso as quero expresar desde este meu blog case-invisíbel. Como pode ser que estea en discusión se Política Lingüística vai caer nas mans do BNG ou do PSOE? Hai declaracións ambiguas sobre iso que dan para quentar a cabeciña das persoas que queremos que a situación da lingua galega mude substancialmente nos próximos catro anos. Oxalá o BNG, a conta de querer demostrar que é un "partido de xestión" non nos demostre tamén que cando quixeron tirar a auga suxa tamén tiraron a crianza que estaba na palangana.
Por outra banda, parece que tamén se levará a a cisterna a proposta plasmada nos programas electorais de BNG e de PSOE segundo a cal a área de Política Lingüística debería ter unha capacidade de actuación transversal. Fálase de que ou continúa na Consellaría de Educación ou pasaría para a Consellaría de Cultura.
sábado, julho 16, 2005
Laurie Anderson
Noutra orde de cousas, debo ir deixando atrás as mensaxes máis pesimistas de posts anteriores. Agora mesmo síntome feliz, voltando aos inicios da maxia. A maxia nunha nova fase. (O Álex, un rapaz murciano que coñecín en Ferrol onte, diría que non é maxia, que é enerxía. Einstein mediante.)
Hoxe conteille ao Rubén unha cousa que levaba gardada desde hai oito anos. As voltas que dá a vida. ;)
segunda-feira, julho 11, 2005
Ortigueeeeeeeira
Tentei ter unha fin de semana de relaxación. Desconectei na Coruña unhas horas, fun a Ferrol para cousas da asociación e despois recalei en Ortigueira. Alí estiven unhas horas varado, debido a problemas de comunicación (Fran ficou sen batería). Desde o momento en que o encontrei, coñecín a súa irmá e seus amigos e chegou Paulo; bon, desde ese momento, Ortigueeeeira festa rachada. Había moito tempo que non o pasaba tan tan tan tan ben. Fixen moito o parvo, iso si. E cousas acontecidas, vistas, sentidas aló déixanme a dúbida sobre como estou a tecer moitas relacións con outras persoas, algunhas moi importantes na miña vida.
Se a semana pasada a baixada das defensas me fixo saír un pequeno herpes no beizo, hoxe levántome xa coa garganta dolorida. Inmunoferón, agárdame! Vou por ti!
quinta-feira, julho 07, 2005
Quebracabezas
Por que os sentimentos máis profundos me fan escreber sempre como se fose un adolescente??
.
.
.
.
.
.
.
.
.
.
.
.
.
quarta-feira, julho 06, 2005
terça-feira, julho 05, 2005
segunda-feira, julho 04, 2005
Resistencias
Piscina, autoescola e algunha negociación
A redistribución do meu tempo vaime levar a matricularme ao fin nunha autoescola, que non ten moi bo nome, mais que me fica perto, usa algo o galego e é, seica, a máis barata. Ademais, así poderei ter un compañeiro de fatigas no proceso.
Hoxe teño as horiñas ben contadas pola axenda, porque teño moitas cousas a facer. E algunhas certamente importantes, tanto como ilusionantes. Polo demais, hoxe síntome, igual que nestes días, nunha canción de Luz Casal. Hai tamén decisións importantes da miña vida que sei que debo tomar, mais que (talvez afortunadamente) aínda non me atrevo a tomar.
sábado, julho 02, 2005
Hoxe a Lugo
A nosa manifestación nacional polo día do Orgullo Gai e Lésbico e Transexual, etc, é en Lugo. Así que aló irei. Estou cansado, moi cansado, e tamén algo preocupado, polo que non sei se o darei pasado ben. Agardo desconectar todo o posíbel, sen esquecer tampouco que teño documentos moi importantes a redixir nesta fin de semana.
quinta-feira, junho 30, 2005
Confusión
Mais xa non son un adolescente.
Nos últimos tempos mudaron cousas nas miñas perspectivas. Os átomos dos corpos cámbianse de vez cada non sei cantos anos. Tal vez os meus átomos sexan de vez diferentes sen eu me dar decatado dos millóns de disimulados microcambios.
Sol ou chuvia, dilema nun outonizo día do Xuño que prometía canícula.
terça-feira, junho 28, 2005
69 anos despois
A maioría dos medios de comunicación, os "galegos" tamén, están a se centrar en que Touriño vai ser o novo Presidente da Xunta. Quérese esquecer que o PSOE ficou a 13 escanos da gobernabilidade, xusto a cifra de deputad@s que ten o BNG... Agardo que a negociación non sexa rápida, como piden algunhas e algúns, senón que leve o tempo preciso para que se resolva beneficiosamente para o proceso de construción nacional e de consolidación dun espazo sociopolítico proprio.
segunda-feira, junho 27, 2005
Hoxe xógase a prórroga
A ver que pasa. A champaña continúa no seu sitio. Expectante.
sábado, junho 25, 2005
Non facerse vellos, sendo humanos, é imposíbel
[be zealous,] girls, [and the] clear melodious lyre:
[but my once tender] body old age now
[has seized;] my hair’s turned [white] instead of dark;
my heart’s grown heavy, my knees will not support me,
that once on a time were fleet for the dance as fawns.
This state I oft bemoan; but what’s to do?
Not to grow old, being human, there’s no way.
Tithonus once, the tale was, rose-armed Dawn,
love-smitten, carried off to the world’s end,
handsome and young then, yet in time grey age
o’ertook him, husband of immortal wife.
sexta-feira, junho 24, 2005
Novo tempo
quinta-feira, junho 23, 2005
A esta mani non podes faltar!
terça-feira, junho 21, 2005
Caro diario:
A xente con gañas de cambio mantén aínda unha raiola de esperanza en que o PP non obteña novamente a maioría absoluta. Só de pensar no exército de gaiteiros dándolle a benvinda a un novo mandato de Fraga e xa me poño doente! Socooooorroooo!
Esta fin de semana irei a Lugo, pois seica se celebra alí a mani-festa do Orgullo deste ano. De momento, a cousa non parece moi ben convocada, pois nin tan sequera en internet hai información, que xa é dicir. Conste que esta é unha crítica construtiva. Non podería ser doutro xeito, pois seguro que se non se pode facer mellor é porque lle faltan máis mans (entre elas, as miñas) para facelo mellor.
segunda-feira, junho 20, 2005
Q tristeza!
A esperanza, a pequena esperanza, é que o escano en xogo por Pontevedra finalmente non o arrebate o PP. Abriríanse as portas así ao chamado cambio. Así e todo, eu non as teño todas comigo. Temo, por exemplo, que o PSOE se reespañolice como xeito de se distanciar do BNG e que iso poida ter implicacións no posíbel acordo de goberno ou acordo de lexislatura.
Algo fixemos ou talvez algo non fixemos para que isto pase. Beiras puxo un triste final á súa biografía contribuíndo a levarnos a esta situación. O debate que agora haxa no nacionalismo debe ser, en todo o caso, construtivo, porque as loitas intestinas dos últimos catro anos penso eu que xa fixeron dano abondo.
sábado, junho 18, 2005
sexta-feira, junho 17, 2005
3, 2, 1...
O PP moverase como nunca este domingo, e non sempre con xogo limpo. Mais a súa maquinaria comeza xa, e non era sen tempo, a estar un pouco enferruxada.
Eu, pola miña parte, preciso pór orde, descansar algo, respirar fondo e volver con forza aos vellos proxectos.
SMS
HOMOFOBIA NUNCA MÁIS. Concentración este sábado ás 11.45 horas no Obradoiro en resposta á manifestación de Madrid en contra de lésbicas e gais apoiada polo PP e a Igrexa. PÁSAO.
terça-feira, junho 14, 2005
Pálpebras que caen
Estou demasiadas veces demasiado cansado. É algo ao que teño que tentar pórlle remedio, canto antes. Voume deitar agora mesmo, para poder durmir as mínimas oito horas precisas.
A campaña continúa adiante, acaparando case toda a atención. A maioría da xente coincide en que se pode xa tocar cos dedos a xubilación de Fraga. Unha xubilación que, con certeza, non será antecipada...
A Mesa pola Normalización Lingüística puxo hoxe en circulación un power point sobre os resultados da xestión de Fraga para o idioma que nos une como galegas e como galegos.
Deixei o vídeo gravando unha nova serie que botan en TVE, algo así como Mulleres desesperadas, e da cal xa me falara moi ben miña irmá. A ver que tal...
Un blog non é un diario
Viña pensando que había cousas que gostaría de pór no blog, mais que o blog non é un diario, nin unha axenda, nin cousa semellante. Non é este, non, lugar para arexar intimidades ou aventurar confidencias. Supoño que xa moita xente, en moi diversas linguas reflexionaría antes sobre isto...
Tampouco sei aínda que grao de anonimato darlle ou non a este blog. Continúo aínda en obras. Como a vida, non?
Como Allarís, todo o país
segunda-feira, junho 13, 2005
Vou para a cama (xa vedes que noticia)
Como isto do blog, pola súa novidade, é como un xoguetiño para min, non podo deixar de escribir un pouquerrechiño antes de me ir deitar. Teño que durmir ben que, se non, as defensas baixan e chegan as infeccións.
Non podo deixar de estar feliz, porque cada vez parece faltar menos para que nos libremos do Monstro:
O galego na Unión Europea
Comeza un novo día
Abaut mii
Falamos.
domingo, junho 12, 2005
Dúas boas páxinas sobre as eleccións
Que o que se gañe o domingo non se perda o mércores
Véxase esta noticia do semanario A Nosa Terra:
A primeira maioría de Fraga en 1989 obtívose cun sospeitoso resultado do voto emigrante
Nas eleccións de 1989 o PP obtivo a maioría absoluta, mercé a unha sospeitosa alteración da lóxica estatísca, disparándose en Ourense a incidencia do voto do PP no Censo de Residentes Ausentes: foi o único caso no que lle gañou ao PSOE e fíxoo por unha diferenza que non se corresponde con nada sucedido nin antes nin repetido despois. Aquel oitavo escano de Ourense decidía a presidencia de Fraga. Foi cousa do home do saco?
En todos os procesos electorais desde 1989, o Partido Popular vense xogando as súas posibilidades de goberno no gume da navalla: só lles vale conseguir maioría absoluta. As eleccións do 17 de decembro de 1989 estaban marcadas por moitas particularidades que é preciso lembrar para situarse. A presidencia da Xunta encabezábaa o socialista Fernando González Laxe, que viña presidindo desde 1987 un goberno tripartito xunto ao PNG e Coalición Galega, despois de producirse unha moción de censura apoiada por deputados que se desligaran do PP. Paradoxicamente, o PSOE de Madrid nunca apoiou ese goberno alternativo, e como símbolo dese distanciamento o presidente español, Felipe González, nunca recibiu na Moncloa ao seu correlixionario González Laxe. A outra singularidade era a presenza de Manuel Fraga como candidato, despois de terse retirado da primeira liña política, cedendo a presidencia do PP a José María Aznar. Finalmente, as eleccións galegas tiveron lugar apenas mes e medio despois do PSOE obter a súa terceira maioría consecutiva no Congreso dos Deputados.
A noite electoral Fraga cantou vitoria cos resultados provisorios na man, nos que chegaba axustadamente aos desexados 38 deputados, pero na cociña dos partidos todos os ollos se dirixían a Ourense, onde os cocientes de asignación de votos deixaban as espadas en alto á falta do escrutinio definitivo e a contabilización dos votos dos residentes ausentes. Nesas primeiras horas, os escaños de Ourense correspondían do seguinte xeito: PP (8), PSOE (5), Coalición Galega (1) e BNG (1), e así o publicaron algúns xornais o 18 de decembro. Horas despois reasignábanse e cos datos provisorios o BNG perdía o seu representante en favor do PSOE. Os derradeiros cocientes de PP, PSOE e BNG estaban axustadísimos: o PP obtiña o seu oitavo escano ourensán con 10.270 votos e o PSOE o seu sexto con 10.065 e o BNG quedábase ás portas con 10.060.
Faltaba escrutar o Censo de Residentes Ausentes e revisar as actas antes de coñecerse os resultados definitivos. Comezaban as sorpresas.
-----------------------------------------------
Non lles permitamos que gañen arteiramente o mércores o que perdan o domingo!
Fedellando
Xa tiven a miña conversa do día através do msn cun novo amigo da alma, que coñezo desde hai tempo mais co que me levo especialmente ben desde hai unhas semanas. Estou só na casa e sen facer todo o que teño que facer. E el collerán as cousas e faranse soas? Brrrrrr....
Agora o enderezo deste blog é o que ves, e o nome fica en "Simulacros dun areeiro", do que gosto máis.
Faltan sete días para o final da mercadotecnia eleitoral e o comezo da realidade. Eu teño a champaña preparada, aínda que só haxa sorbos agridoces.
Inquéritos e agobios
Hoxe debería ir ao paraíso perdido da miña infancia e mocidade a ver á familia e á veciñanza indecisa. Mais deiteime tarde, estou canso e non sei que facer... Se alguén sabe de un curso de autoaxuda que sirva para que un teña máis vontade e sexa minimamente efectivo, por favor, que deixe recado nos comentarios de aquí abaixo.
Levo días con varias cousas atrasadas que non dou sacado para adiante, co conseguinte agobio. Onte talvez perdín algunhas oportuni
dades importantes, ou talvez non. Quen sabe. E, para máis inri, aturar os inquéritos coa súa tendenciosidade. E as crónicas equidistantes de algún xornal.Mentres, TVE, tan obxectiva ela, decide sacarlle as castañas do lume a Touriño e anular o debate con escusas de mal pagador que nin tan sequera utilizou a TVG hai unha semana. Enfín! Para cando unha TV pública non partidaria?
Cambio ou cambiazo?
O primeiro día
Pensei un pouquiño en que nome pórlle. Eu quería que fose simplemente Simulacro, mais finalmente tiven que pórlle Simulacro 26. Como non son moi adito ás cábalas, e non hai moitos números que me digan grande cousa (para alén do 69) optei por utilizar a miña idade actual. Ben sei que se continúo vivindo e continúo actualizando este blog, talvez dentro dun tempo sinta saudade desta cifra. Así che é a vida: tan fea que é imposíbel deixar de darlle patadas (Lupe Gómez dixit).